सिद्धार्थको खोजी कार्य जारी, १२ घण्टा बितिसक्दा पनी फेला परेनन्

नवलपुर न्युज

२०८१ कार्तिक ११, आईतबार प्रकाशित (३ हफ्ता अघि) २६१८ पाठक संख्या

कोल्हुवा । नारायणी नदीमा नुहाउने क्रममा २१ वर्षीय सिद्धार्थ बस्नेत वेपत्ता भएका छन्।

मध्यविन्दु नगरपालिका २ बलघट्टामा गएराति सवा ६ बजेतिर वेपत्ता भएका सिद्धार्थको खोजी कार्य जारी रहेको जिल्ला प्रहरी कार्यालय नवलपुरका प्रहरी नायव उपरीक्षक जेशी शाहले जानकारी दिएका छन्।

आज बिहान मध्यविन्दु नगरपालिका र नेपाली आर्मीको सहयोगमा खोजी कार्य गरिएको थियोे । सशस्त्र प्रहरी, नेपाल प्रहरी, जनप्रतिनिधि र स्थानीय टोली पनि सक्रिय छन् । खोजी टोलीले नदीका आसपासका क्षेत्रहरूमा गहिराईमा पनि खोजी गरिरहेका छन्।

तर , १२ घण्टा बितिसक्दा पनि सिद्धार्थ फेला नपरेकोले परिवार र स्थानीयवासीबीच चिन्ता बढिरहेको छ । प्रहरी नायव उपरीक्षक शाहले खोजी कार्यलाई निरन्तरता दिने बताएका छन् ।