बेपत्ता छात्रा बिपना चौधरी मृत अवस्थामा फेला

नवलपुर न्युज

२०८१ कार्तिक १६, शुक्रबार प्रकाशित (२ हफ्ता अघि) १७६०३ पाठक संख्या

कावासोती । नवलपुरको मध्यविन्दु २ स्थित कुमारवर्ती माध्यमिक विद्यालयकी छात्रा बिपना चौधरी मृत अवस्थामा फेला परेकी छन्।

बिहीबार साँझ ६ बजेतिर नारायणी नदीको किनार मध्यविन्दु – १५ कोलकट्टामा उनको शव भेटिएको वडा अध्यक्ष रामभक्त अधिकारीले जानकारी दिनुभयो ।

शवलाई पोस्टमार्टमका लागी राति नै नगरपालिकाको एम्बुलेन्स मार्फत जिल्ला अस्पताल डाण्डा पठाइएको थियो, र उनका मामा र हजुरबुवाले शवलाई पहिचान गरेको वडा अध्यक्ष अधिकारीले बताउनुभयो।

बिपना कात्तिक १२ गते सोमबार पिकनिकका क्रममा बन्दीपुरबाट फर्कदै गर्दा नारायणघाट–मुग्लिङ सडक खण्डको तीन नम्बर पुलमा शौच गर्न झरेकी थिइन् र त्यसपछि उनी सम्पर्कविहीन भएकी थिइन्।