देवचुलीमा स्कुटर दुर्घटना: तीन वर्षीय बालिका घाइते

नवलपुर न्युज

२०८१ कार्तिक १६, शुक्रबार प्रकाशित (२ हफ्ता अघि) १२१६ पाठक संख्या

कावासोती । नवलपुरको देवचुलीमा स्कुटरको ठक्करबाट ३ वर्षीय बालिका घाइते भएकी छन् ।

देवचुली नगरपालिका – ५ शान्ति चोकस्थित भित्री सडकखण्डमा केउरेनीबाट कदमपुर तर्फ जाँदै गरेको प्रदेश २-०३-००७ प ८७६१ नम्बरको स्कुटरले स्थानीय प्रकाश पुलामीकी तीन वर्षीय छोरी सायारा पुलामीलाई ठक्कर दिँदा टाउकोमा चोट लागी घाइते भएकी छन् ।

जिल्ला प्रहरी कार्यालय नवलपुरका अनुसार, सायारालाई स्थानिय मेडिकलमा सामान्य उपचार गरिएपछि थप उपचारका लागि निको अस्पताल भरतपुर, चितवनमा लगिएको छ । घटनाबारे थप अनुसन्धान भइरहेको प्रहरीले जनाएको छ ।