कावासोतीमा जुवा खेल्दै गरेका १३ जना पक्राउ

नवलपुर न्युज

२०८१ कार्तिक १८, आईतबार प्रकाशित (३ हफ्ता अघि) ६३० पाठक संख्या

कावासोती । नवलपुरको कावासोतीमा जुवा खेल्दै गरेका १३ जनालाई प्रहरीले पक्राउ गरेको छ।

कावासोतीमा जुवा खेल्दै गरेका १३ जनालाई प्रहरीले नगदसहित पक्राउ गरेको हो । जिल्ला प्रहरीका डीएसपी जेसी शाहका अनुसार, गत राती कावासोतीको बजारमा रहेका दुई फरक ठाउँमा जुवा खेल्दै गरेको समूहलाई पक्राउ गरिएको हो । उनीहरूको साथमा १ लाख ३१ हजार नगद बरामद गरिएको छ ।

पक्राउ गरिएका जुवाडेहरूलाई जुवा ऐन अनुसार कारबाही गरिने प्रक्रिया अघि बढाइएको छ । तिहारको बिदा सकिएपछि उनीहरूलाई अदालतमा उपस्थित गराइ मुद्दा चलाइने प्रहरीले जनाएको छ ।