नवलपुरमा गैँडाको आक्रमणबाट एक जनाको मृत्यु

नवलपुर न्युज

२०८१ कार्तिक २०, मंगलबार प्रकाशित (२ हफ्ता अघि) १९०८ पाठक संख्या

कावासोती ।  नवलपुर जिल्लाको कावासोती नगरपालिका–७ स्थित बोटे टोलका ६५ वर्षीय सुक बहादुर बोटे गैँडाको आक्रमणमा परि मृत्यु भएका छन्।

सोमबार दिउँसो, बोटे घर नजिकैको कृष्णसार सामुदायिक वनमा गाई चराउन गएका थिए, जहाँ अचानक गैँडाले उनलाई आक्रमण गरेको प्रहरीले जनाएको छ । गाई चराउने क्रममा एकाएक गैँडाले उनीमाथि हमला गरेको थियो।

गैँडाको आक्रमणमा बोटे गम्भीर घाइते भएका थिए र तत्कालै उनलाई उपचारका लागि कावासोतीस्थित कालिगण्डकी अस्पताल ल्याइएको थियो। तर, उपचारको क्रममा उनको ज्यान गएको जिल्ला प्रहरी कार्यालय नवलपरासी पूर्वका प्रहरी नायव उपरीक्षक (डीएसपी ) जेसी शाहले जानकारी दिएका छन्।