नवलपुरमा अटो दुर्घटना, ६ जना घाइते

नवलपुर न्युज

२०८१ कार्तिक २०, मंगलबार प्रकाशित (२ हफ्ता अघि) १६४८ पाठक संख्या

कावासोती । नवलपुरको देवचुली नगरपालिका ६ कुमसोदमा आज साँझ एक अटो दुर्घटना भएको छ । जसमा ६ जना घाइते भएका छन् ।

प्रहरीका अनुसार दुर्घटना आज साँझ साढे ५ बजेतिर भएको हो । कुमसोदबाट दलदले बजारतर्फ आउँदै गरेको प्रदेश नं ०४–००१ ह ००७२ नम्बरको अटो चालकले अचानक नियन्त्रण गुमाएका थिए।

दुर्घटनामा परी घाइते हुनेहरू चितवन जिल्लाका विभिन्न स्थानका नागरिक रहेका छन्। घाइतेहरू क्रमशः २१ वर्षीय आयुस तामाङ, २२ वर्षीया पार्बती गुरुङ, १५ वर्षीय शुसान भट्टराई, २७ वर्षीय इशान्त गुरुङ, १७ वर्षीय बिश्वास गुरुङ र २० वर्षीय बिज्ञान श्रेष्ठ भएका छन् ।

घाइतेमध्ये तीन जनाको अवस्था गम्भीर रहेको बताइएको छ। उनीहरूको उपचार अहिले देवचुली अस्पतालमा भइरहेको छ।

अन्य घाइतेहरूको अवस्था स्थिर रहेको प्रहरीले जानकारी दिएको छ । दुर्घटना भएको स्थानमा प्रहरी टोली पुगेर प्रारम्भिक अनुसन्धान गरेको छ र घटनामा संलग्न अटो र चालकलाई नियन्त्रणमा लिएको जनाएको छ।