नवलपुरको गैँडाकोटमा एकजना मृत अवस्थामा फेला

नवलपुर न्युज

२०८१ कार्तिक २१, बुधबार प्रकाशित (६ दिन अघि) १०२० पाठक संख्या

कावासोती  –  नवलपुरको गैँडाकोट नगरपालिका – ६ स्थित नारायणी नदीमा एकजना पुरुष मृत अवस्थामा फेला परेका छन्।

भरतपुर महानगरपालिका वडा नं, ७ उज्वलटोल घर भएका ५० वर्षका दधिराम अधिकारी गैँडाकोट ६ स्थित नारायणी नदीमा मृत अवस्थामा भेटिएको नवलपुर प्रहरीले जनाएको छ ।

अधिकारी कार्तिक १८ गतेदेखि परिवारको सम्पर्कमा आएका थिएनन् र उनको शव आज दिउँसो नदी किनारमा तैरिरहेको अवस्थामा फेला परेको प्रहरीले जनाएको छ ।

घटनाको सूचना प्राप्त गर्दै प्रहरी टोली घटनास्थलमा पुगेको थियो र शवलाई आवश्यक प्रक्रिया पूरा गरि पोस्टमार्टमको लागि पठाइएको छ । घटनाको सम्वन्धमा अनुसन्धान सुरु गरिएको प्रहरीले जनाएको छ ।