कावासोतीमा लागू औषधसहित दुईजना पक्राउ

नवलपुर न्युज

२०८१ कार्तिक २५, आईतबार प्रकाशित (३ दिन अघि) २६५ पाठक संख्या

कावासोती । नवलपुरको कावासोतीमा लागू औषधसहित दुईजना पक्राउ परेका छन्।

कावासोती नगरपालिका – १६ चालिसकिलोस्थित सडकबाट नियन्त्रित लागूऔषध डाईजेपाम ३० एम्पुल, फेनरागन ३० एम्पुल र आईपिपिएल ३० एम्पुल सहित तनहुँ व्यास नगरपालिका- १ बस्ने १८ वर्षीय किशोर समेत २ जनालाई शुक्रबार दिउँसो प्रहरीले पक्राउ गरेको छ।

जिल्ला प्रहरी कार्यालय नवलपरासी पूर्वबाट खटिएको प्रहरीले बुटवलबाट चितवनतर्फ जाँदै गरेको लु.२ ख २६२५ नम्बरको बसलाई जाँच गर्ने क्रममा बसमा सवार उनीहरूलाई उक्त लागूऔषध सहित पक्राउ गरेको हो ।