कावासोतीमा सडक दुर्घटना, मोटरसाइकल चालक घाइते

नवलपुर न्युज

२०८१ मंसिर ८, शनिबार प्रकाशित (२ घण्टा अघि) २४२ पाठक संख्या

कावासोती । नवलपुरको कावासोतीमा सवारी दुर्घटना हुँदा एकजना घाइते भएका छन् । कावासोती नगरपालिका वडा नं: ८ कालिगण्डकी चोकस्थित पूर्व-पश्चिम राजमार्गमा कार र मोटरसाइकल बीचको ठक्करबाट दुर्घटना भएको हो ।

स्थानियको सूचना पछि, प्रहरीले घटनास्थलमा पुगेर घाइते मोटरसाइकल चालकलाई उद्धार गरी उपचारको लागि कालिगण्डकी अस्पताल कावासोती पठाएको छ।

जिल्ला प्रहरी कार्यालय नवलपुरका अनुसार, ग ४ प २९९ नम्बरको कार डण्डाबाट कावासोती तर्फ आउँदै थियो भने, मोटरसाइकल ना १४ प ४७४६ नम्बरको शेरगञ्जतर्फ जाँदै गरेको थियो। दुर्घटनामा मोटरसाइकल चालक ३३ वर्षीय अनिल शिरिस, अठाईसबिघा बस्ने, घाइते भएको प्रहरीले जनाएको छ । प्रहरीले दुबै सवारी साधनलाई नियन्त्रणमा लिएको छ र घटना बारे अनुसन्धान गरिरहेको छ ।