नवलपुरमा मोटरसाइकल दुर्घटना, ९३ वर्षीय पैदल यात्री घाइते

नवलपुर न्युज

२०८१ मंसिर ८, शनिबार प्रकाशित (२ घण्टा अघि) ११३ पाठक संख्या

कावासोती । नवलपुरको कावासोती नगरपालिका वडा नं: ६ माझटोलस्थित भित्री सडकखण्डमा मोटरसाइकलले पैदल यात्रीलाई ठक्कर दिँदा एकजना वृद्ध घाइते भएका छन्।

घटनाबारे जानकारी प्राप्त भएपछि प्रहरीले घटनास्थलमा पुगेर मोटरसाइकल र चालकलाई नियन्त्रणमा लिएको छ। जिल्ला प्रहरी कार्यालय नवलपुरका अनुसार, लु ४५ प ६१३ नम्बरको मोटरसाइकल फलफुलचोकबाट कोईलापानी तर्फ जाँदै गर्दा पैदल यात्री ९३ वर्षीय शिवशंकर भुषाललाई ठक्कर दिएको हो।

दुर्घटनामा घाइते भएका भुषाललाई तत्काल कालीगण्डकी अस्पताल कावासोती पठाइएको छ, जहाँ उनको उपचार भइरहेको छ । दुर्घटनामा संलग्न मोटरसाइकल र चालकको विवरण संकलन गर्दै अनुसन्धान प्रक्रिया जारी रहेको प्रहरीले जनाएको छ ।