मध्यविन्दुमा आगो ताप्ने क्रममा जलेर एक महिला घाइते

नवलपुर न्युज

२०८१ पौष २०, शनिबार प्रकाशित (२ दिन अघि) १०४१ पाठक संख्या

मध्यविन्दु – जिल्ला नवलपुरको मध्यबिन्दु नगरपालिका वडा नं: १५ हर्वास्टारमा आगो ताप्ने क्रममा ६४ वर्षीया मंगली कुमाल घाइते भएकी छन्। शुक्रबार बिहानको समयमा कुमाल आफ्नै घरको छेउमा आगो ताप्दै गर्दा अचानक लगाएको कपडामा आगो सल्किएर जलेर घाइते भएकी हुन्।

घटना पछि कुमाललाई उपचारको लागि तत्काल मध्यबिन्दु जिल्ला अस्पतालमा पुर्‍याइएको थियो। जहाँ सामान्य उपचारपछि उनलाई थप उपचारका लागि भरतपुर सरकारी अस्पताल पठाइएको छ। कुमालको कम्मर मुनीको भागमा ३० प्रतिशत जलेको छ। यस घटनामा अनुसन्धान कार्य जारी रहेको जिल्ला प्रहरी कार्यालय नवलपुरले जनाएको छ।