नवलपुरमा अटो दुर्घटना, ४ जना घाइते

नवलपुर न्युज

२०८१ पौष २८, आईतबार प्रकाशित (१३ घण्टा अघि) ५११ पाठक संख्या

कावासोती  – नवलपुरको देवचुली ६ स्थित किर्तिपुर जाने बाटोमा अटो दुर्घटना हुँदा ४ जना घाइते भएका छन्। आइतबार बिहान १०:३० बजे भएको दुर्घटनामा २ जनाको अवस्था गम्भीर रहेको प्रहरीले जनाएको छ।

गण्डकी प्रदेश ०४००१ ह ०१४५ नम्बरको अटो टोक्रे खोला नजिक दुर्घटनाग्रस्त भएको हो। घाइते हुनेमा देवचुली ७ का नुनीमाया वाचे ( ३६ वर्ष ) र जसमाया वाचे ( ३० वर्ष ) रहेका छन्। उनीहरूको आँखा, पेट र टाउकोमा चोट लागेको छ।

प्रहरीले अटो र चालकलाई नियन्त्रणमा लिएको र दुर्घटनाको कारणको अनुसन्धान भइरहेको जनाएको छ ।