मध्यविन्दु नगरपालिकामा कक्षा ८ को वार्षिक परीक्षा चैत्र ८ देखि सुरु

नवलपुर न्युज

२०८१ माघ ३०, बुधबार प्रकाशित (३ हफ्ता अघि) ३०० पाठक संख्या

चोरमारा । आगामी चैत्र महिनाको ८ गतेदेखि मध्यविन्दु नगरपालिकामा कक्षा ८ का आधारभूत तहको वार्षिक परीक्षा संचालन हुने भएको छ । नगर स्तरीय परीक्षा निर्देशन समिति र नगर स्तरीय परीक्षा समितिको संयुक्त बैठकले सोमबार, माघ २८ गते यो निर्णय गरेको हो ।

नगरका शिक्षा अधिकृत कृष्ण प्रसाद रेग्मीले जानकारी दिँदै भने,परीक्षा आगामी चैत्र ८ गते बिहान ८ बजेबाट सुरु हुनेछ । शिक्षा अधिकृत रेग्मीले परीक्षा समयतालिका सार्वजनिक गर्दै सबै विद्यार्थी र विद्यालयलाई तयारी गर्न आग्रह गरेका छन्। यस परीक्षा अन्तर्गत पहिलो दिन, नेपाली विषयको परीक्षा लिने योजना छ ।

परीक्षाको कार्यक्रम यस प्रकार रहनेछ ।

चैत्र ८ गते : नेपाली विषय

९ गते : शनिबार विदा

१० गते : गणित

११ गते : अंग्रेजी

१२ गते : स्वास्थ्य, शारीरिक र सिर्जनात्मक कला

१३ गते : विज्ञान र प्रविधि शिक्षा

१४ गते: सामाजिक अध्ययन र मानव मूल्य शिक्षा

१५ गते : स्थानीय पाठ्यक्रम “हाम्रो मध्यविन्दुु”