मध्यविन्दु नगरपालिकामा १५० कृषकलाई निःशुल्क थुनेलो किट वितरण

नवलपुर न्युज

२०८१ फागुन १, बिहिबार प्रकाशित (१ महिना अघि) २२६ पाठक संख्या

चोरमारा । मध्यविन्दु नगरपालिका पशु सेवा शाखाले नगर भित्रका १ सय ५० जना कृषकलाई निःशुल्क थुनेलो किट वितरण गरेको छ । कार्यक्रममा नगर उपप्रमुख पुणकला चौधरीको प्रमुख आतिथ्यतामा र मध्यविन्दु २ का वडाअध्यक्ष रामभक्त अधिकारीको अध्यक्षतामा सम्पन्न भएको हो।

यस अवसरमा पशु सेवा शाखा प्रमुख ज्ञान प्रसाद भट्टाइले कृषि व्यवसायमा संलग्न कृषकहरूको लागि थुनेलो किट वितरण गर्ने कार्यको महत्त्वमा प्रकाश पार्दै, नगरपालिकाले विगतका वर्षहरूमा पनि व्यवसायिक रुममा पशु पालन गर्दै आएका कृषकहरुलाई थुनेलो किट उपलब्ध गराउँदै आएको जानकारी दिनुभयो ।

यस किटको वितरणले कृषकहरूको उत्पादन क्षमता वृद्धि गर्न र पशुपालनमा आएको कठिनाइलाई केही हदसम्म कम गर्न मद्दत पुर्याउने विश्वास व्यक्त गरिएको छ । साथै, यस कार्यक्रमले कृषकहरूलाई उनीहरूको व्यवसायलाई थप सशक्त र व्यवस्थित बनाउन प्रोत्साहित गर्नेछ।

मध्यविन्दु नगरपालिकाले कृषकहरूको आर्थिक उत्थान र व्यवसायिक पशुपालनलाई सुदृढ पार्न निरन्तर कार्य गर्दै आएको छ।