देवचुली महोत्सव: स्थानीय उत्पादन र पर्यटनको प्रवर्धनमा विशेष जोड

नवलपुर न्युज

२०८१ फागुन १, बिहिबार प्रकाशित (१ महिना अघि) ३१७ पाठक संख्या

कावासोती । नवलपुरको दलदलेमा पाँचौ देवचुली महोत्सव फागुन १२ देखि २५ गतेसम्म आयोजना हुने भएको छ। महोत्सवको मुख्य उद्देश्य पर्यटन प्रवर्धन, सांस्कृतिक संरक्षण र मनोरञ्जनलाई प्राथमिकता दिने भएको हो ।

स्थानीय उत्पादन प्रदर्शनी, कृषि मेला, व्यापारिक स्टल, सांस्कृतिक कार्यक्रम लगायतका विशेष आकर्षण हुने महोत्सवमा १५० वटा स्टल रहने छन्। आयोजकले १५ करोड रुपियाँको कारोबार र १ लाख ५० हजार दर्शकको सहभागिता अपेक्षा गरेको छ।

जातिय विभेद, सामाजिक कुरीति र विसङ्गतिको न्यूनीकरण गरि अन्त्य गर्ने अभियानको शुभारम्भ गर्ने, व्यापारिक प्रतिष्ठानहरूलाई बालश्रम मुक्त बनाउने, साथै देवचुली, वरचुली डाँडा र नारायणी नदी किनारका क्षेत्रलाइ धार्मिक पर्यटकिय गन्तव्यको रूपमा विकास हुने अपेक्षा लिएको देवचुली उद्योग वाणिज्य सङ्घका अध्यक्ष सूर्यप्रसाद दवाडीले  बताउनुभयो । महोत्सवले देवचुली क्षेत्रलाई धार्मिक र पर्यटन गन्तव्यको रूपमा पनि स्थापित गर्ने योजना बनाएको छ।