२०८१ चैत्र २३, आईतबार
३ : ०७ : ०३
नयाँ
पछिला अपडेट

नवलपुरमा बस दुर्घटना, ११ जना घाइते

२०८१ फागुन ९, शुक्रबार प्रकाशित ( महिना अघि) ७०४ पाठक संख्या

कावासोती । नवलपुरको देवचुली – ११ दलदलेमा बस दुर्घटना हुँदा ११ जना घाइते भएका छन्। बुटवलबाट काठमाडौं जाँदै गरेको बस शुक्रबार बिहान सडक छेउको खाडलमा पल्टिएको थियो।

दुर्घटनामा २१ यात्रुमध्ये ११ जना घाइते भएका छन्। घाइतेमध्ये ६ जनाको भरतपुरस्थित देव अस्पतालमा र ५ जनाको दलदलेस्थित देवचुली अस्पतालमा उपचार भइरहेको छ। प्रहरीका अनुसार भरतपुर पठाइएका यात्रुहरूको अवस्था मध्यम छ भने बाँकीको अवस्था सामान्य छ।

दुर्घटनामा रामेछाप, काठमाडौं, पाल्पा, अर्घाखाँची, रुपन्देही र बाग्लुङका यात्रुहरू घाइते भएका छन्। बस चालकलाई प्रहरी नियन्त्रणमा लिएर थप अनुसन्धान भइरहेको छ।

तपाइंलाई यो खबर पढेर कस्तो लाग्यो? मन पर्यो
मन पर्योखुशीअचम्मउत्साहितदुखीआक्रोशित
३%

प्रतिक्रिया दिनुहोस