२०८१ चैत्र २१, शुक्रबार
नयाँ
पछिला अपडेट

मध्यविन्दुमा ट्याक्टरको ठक्करबाट किशोर गम्भीर घाइते

२०८१ चैत्र १९, बुधबार प्रकाशित ( दिन अघि) ३४७ पाठक संख्या

चोरमारा – नवलपुर जिल्लाको मध्यबिन्दु नगरपालिका – ११, दमार चोकस्थित भित्री सडकखण्डमा भएको सवारी दुर्घटनामा एक किशोर गम्भीर घाइते भएका छन्।

बुधबार दिउँसो करिब ३:५० बजे दमारबाट अरुणखोला तर्फ जाँदै गरेको लु ५ त ५१६ नम्बरको खाली ट्याक्टरले विपरीत दिशाबाट आइरहेको बा ५१ प ६९७३ नम्बरको मोटरसाइकललाई ठक्कर दिएको थियो। दुर्घटनामा परी मोटरसाइकल चालक १५ वर्षीय मौसम सोमै मगर घाइते भएका छन्।

घटनास्थलमा पुगेको प्रहरीले घाइते मगरलाई तत्काल उद्धार गरी उपचारका लागि भरतपुरस्थित एलाइभ अस्पताल पठाएको छ। उनको बायाँ खुट्टा र बायाँ हातमा चोट लागेको छ भने अवस्था मध्यम रहेको प्रहरीले जनाएको छ । हाल दुवै सवारीसाधन प्रहरीको नियन्त्रणमा राखिएको छ भने घटनाबारे थप अनुसन्धान भइरहेको जिल्ला प्रहरी कार्यालयले जानकारी दिएको छ।

तपाइंलाई यो खबर पढेर कस्तो लाग्यो? मन पर्यो
मन पर्योखुशीअचम्मउत्साहितदुखीआक्रोशित
२%

प्रतिक्रिया दिनुहोस