काठमाडौं ९ कात्तिक । प्रहरी प्रधान कार्यालय नक्शालमा आज नौलो पूजा गरिएको छ ।
प्रहरी अतिरिक्त महानिरीक्षक हरि बहादुर पालले आइतबार प्रहरी प्रधान कार्यालय सशस्त्र प्रहरी गण नम्बर १ नक्सालस्थित मौलोमा पूजाअर्चना तथा संकल्प पूजा गरेका हुन् ।
जाअर्चनाको क्रममा प्रहरी अतिरिक्त महानिरीक्षक पालले निसानमा पञ्जा छाप लगाए। उनले मौलो पूजाका अवसरमा विशेष कार्य गर्ने प्रहरी सहायक निरीक्षक भवानी चन्द र प्रहरी हवल्दार जितेन्द्र खाँ थारुलाई पगरी तथा नगद पुरस्कार प्रदान गरे।
पूजा विसर्जनपछि मूलकोत हनुमानढोकाको लागि निशान प्रस्थान गराइएको थियो। उक्त अवसरमा उपस्थितलाई पूजारीबाट टीका तथा प्रसाद वितरण गरिएको थियो ।
सो अवसरमा प्रहरी अतिरिक्त महानिरीक्षकहरू, प्रहरी नायव महानिरीक्षकहरू, वरिष्ठ प्रहरी अधिकृतलगायतको उपस्थिति रहेको थियो। नेपाल प्रहरीले हरेक वर्ष बडादसैंको अवसरमा मौलो पूजा गर्दै आइरहेको छ।
आफ्नो प्रतिक्रिया दिनुहोस् !