ओरालोमा ब्रेक नलाग्दा बस दुर्घटना, ३५ जना घाइते

नवलपुर न्युज

२०७८ आश्विन ३१, आईतबार प्रकाशित (३ साल अघि) १४९७ पाठक संख्या

सिन्धुपाल्चोकबाट काठमाडौं जाँदै गरेको यात्रुवाहक बस सुनकोशी गाउँपालिका–७, पाँचकिलो भन्ने ठाउँ नजिक दुर्घटना भएको छ ।

ब्रेक फेल भएर बा २ ख ३२६४ नम्बरको बस आइतवार दिउँसो सवा २ बजे दुर्घटना भएको सिन्धुपाल्चोक प्रहरीले जनाएको छ ।

बसमा चालक, सहचालक गरी ३५ जना रहेको जिल्ला प्रहरी कार्यालय सिन्धुपाल्चोकका सूचना अधिकारी डीएसपी दक्ष बस्नेतले जानकारी दिए । उनका अनुसार दुई जनाको अवस्था गम्भीर भएकाले धुलिखेल पठाइएको छ । अन्य घाइतेको स्थानीय अस्पतालमा उपचार भइरहेको छ ।

‘रिजर्भमा जाँदै गरेको बस ओरालोमा ब्रेक नलागेका कारणले दुर्घटना भएको भन्ने छ,’ उनले भने, ‘थप अनुसन्धान भइरहेको छ ।’