२०८१ मंसिर १३, बिहिबार
१७५५ पाठक संख्या कावासोती । नवलपुरको विनयी त्रिवेणी गाउँपालिका ६ शिवपुरमा गएराति मोटरसाईकल अनियन्त्रित भई दुर्घटना हुँदा चालकको मृत्यु भएको छ ।
जिल्ला प्रहरी कार्यालय नवलपुरका अनुसार मृत्यु हुनेमा रुपन्देही जिल्लाको ओमसतिया गाउँपालिका १ , ठुटीपिपल बस्ने २० बर्षीय राहुल बासथोरको निधन भएको हो ।
त्रिवेणीबाट बर्दघाट आउँदै गरेको लु १२ प ६३४४ नं मोटरसाइकल आफै अनियन्त्रित भई दुर्घटना हुँदा मोटरसाइकल चालकको मृत्यु भएको थियो ।
सो दुर्घटनाबाट गम्भिर घाईते भएका मोटरसाईकल चालक राहुलको मध्यविन्दु जिल्ला अस्पतालमा उपचारका लागि ल्याईएपछि अस्पतालले मृत घोषणा गरेको थियो ।
मोटरसाइकलमा पछाडी सवार रहेका रुपन्देहीको भैरहवा–१३ बस्ने ३३ बर्षीय लाल जीवन बासथोर घाइते भएका छन् ।
घटनाको सम्बन्धमा प्रहरीले थप अनुसन्धान भईरहेको प्रहरीले जनाएको छ ।
नवलपुर सञ्चार प्रा. लि. द्वारा संचालित
सूचना विभागमा दर्ता नं. : २५७० – २०७७/२०७८
स्थायी लेखा नं : ६०९७७९९६९
वेबसाइट: nawalpurnews.com
इमेल: [email protected]
फोन नम्बर:+977-9851135484, 9807572268
सम्पर्क ठेगाना: मध्यबिन्दु, नवलपुर
