कावासोती नापी कार्यालयमा थप ६ जना कर्मचारीमा कोरोना

नवलपुर न्युज

२०७८ पौष ३०, शुक्रबार प्रकाशित (२ साल अघि) ९८७ पाठक संख्या

कावासोती । यसअघि नै ९ जना कर्मचारीमा कोरोना संक्रमण भएको नापी कार्यालय कावासोतीमा शुक्रबार थप ६ जना कर्मचारीलाई कोरोना संक्रमण पुष्टि भएको छ ।

दुई दिनअघि गरिएको परीक्षणमा ९ जना कर्मचारीमा कोरोना संक्रमण पुष्टि भएको थियो । बिहीबार थप १२ जनाको परीक्षण गर्दा ६ जनामा कोरोना संक्रमण भएको कार्यालयले जनाएको छ ।

नापी कार्यालयका सूचना अधिकृत भोला कोहारका अनुसार ३० कर्मचारीमध्ये १५ जनामा कोरोना संक्रमण पुष्टि भएको छ ।