गण्डकी प्रदेशमा पनि गठबन्धनकै नेताको जित

नवलपुर न्युज

२०७८ माघ १२, बुधबार प्रकाशित (२ साल अघि) १०२५ पाठक संख्या

पोखरा– राष्ट्रियसभा सदस्य निर्वाचन अन्तर्गत गण्डकी प्रदेशमा सत्तारुढ गठबन्धनका तीनै जना उम्मेदवार विजयी भएका छन् । बुधबार भएको राष्ट्रियसभा निर्वाचनको मतगणनामा गठबन्धनका तीन उम्मेदवार विजयी भएका हुन् ।

गठबन्धनका कमला पन्त, सुरेशबहादुर आले र भुवन सुनार विजयी भएका छन् । महिलातर्फ नेपाली कांग्रेसकी उम्मेदवार कमला पन्तले ३ हजार ८४ मतभार प्राप्त गरी विजयी भएकी हुन् । उनका प्रतिद्वन्दी एमाले उम्मेदवार लीला थनेतले २ हजार ७२४ मतभार पाएकी छन् । त्यस्तै, भुवन सुनारले तीन हजार ४८ मतभार ल्याएका छन् ।

आलेले भने ३ हजार ९६ मत प्राप्त गरेका छन् । गण्डकी प्रदेशसभाका ५९ सांसद, ८५ स्थानीय तहका प्रमुख र उपप्रमुख गरी १६८ जनाले मतदान गरेका थिए । बिहान ९ बजेदेखि दिउँसो ३ बजेसम्म राष्ट्रिय सभा सदस्यका लागि मतदान भएको थियो । यसअघि सुदूरपश्चिम, लुम्बिनी र बागमतीमा पनि ढ गठबन्धनकै सबै उम्मेदवार विजयी भएका छन् ।