कावासोतीमा ट्रकले ठक्कर दिदा टिउसन हिडेकी युवती गम्भीर घाईते

नवलपुर न्युज

२०७८ चैत्र १८, शुक्रबार प्रकाशित (२ साल अघि) २०६१ पाठक संख्या

कावासोती  । नवलपुरको कावासोतीको थाना चोक नजिकै ट्रकले ठक्कर दिदा २० वर्षीय युवती गम्भीर घाईते भएकी छिन ।

कावासोतीको थाना चोकमा टिउसन पढन जादै गरेको अवस्थामा देवचुली नगरपालिका – ७  बस्ने अनिशा अधिकारीलाई बिहान करिब ७:४५ बजेको समयमा लु २ ख ५६७१ नम्बरको ट्रकले ठक्कर दिएको नवलपुर प्रहरी प्रमुख प्रज्वल मर्हजनले जानकारी दिनुभयो ।

ट्रकको ठक्करबाट गम्भीर घाइते अधिकारीको कम्मरमा गहिरो चोट लागेको बताईएको छ । प्रहरीका अनुसार ट्रकको ठक्करबाट गम्भीर घाईते युवतीलाई उपचारको लागि तत्काल कालीगण्डकी अस्पताल पुर्‍याईएको र त्यहा उपचार हुन नसके पछि थप उपचारको लागि भरतपुर पठाईएको छ । ठक्कर दिने ट्रकको चालक र ट्रक प्रहरी नियन्त्रणमा रहेको प्रहरीले जनाएको छ ।