चितवनमा २ लाख २२ हजार नगद सहित ९ जुवाडे पक्राउ

नवलपुर न्युज

२०७९ आश्विन २१, शुक्रबार प्रकाशित (२ साल अघि) ६८७ पाठक संख्या

चितवन । भरतपुरमा दुईलाख बढी नगद सहित ९ जुवाडे पक्राउ परेका छन । भरतपुर महानगरपाकिा वडा नम्बर ३ बेलचोक स्थित अनिल गुप्ताको घरबाट उनीहरु शुक्रबार पक्राउ परेका हुन् ।

जिल्ला प्रहरी कार्यालय चितवनका अनुसार गुप्ताको घरमा केही व्यक्तिहरुले खाल थापी पैसाको बाजी राखेर हारजित हुने गरी तास खेलिरहेको भन्ने सूचनाको आधारमा वडा प्रहरी कार्यालय नारायणगढ र जिल्ला प्रहरी कार्यालय चितवनको टोलीले उनीहरुबाट २ लाख २२ हजार ५ रुपैयांँ नगद र १० बुक तास सहित पक्राउ गरेको हो ।

पक्राउ गरिएका उनीहरुमाथि मुलुकी अपराध संहिता, २०७४ को दफा १२५ अन्तर्गत जुवा मुद्दामा थप अनुसन्धान भई रहेको प्रहरीले जनाएको छ ।