मनोनयन दर्ता सुरु,अर्वपति विनोद चौधरीले पाए कांग्रेसबाट प्रत्यक्ष तर्फको टिकट

नवलपुर न्युज

२०७९ आश्विन २३, आईतबार प्रकाशित (२ साल अघि) ८२२ पाठक संख्या

कावासोती । यहि मंसिर ४ गते हुने प्रतिनिधिसभा र प्रदेश सभाको चुनावको लागि देशैभर उम्मेदवारी दर्ता सुरु भएको छ । निर्वाचन आयोगले प्रतिनिधिसभा तर्फ १६५ वटा र प्रदेश सभा तर्फ ३३० वटा निर्वाचन क्षेत्रमा निर्वाचनका लागि उम्मेदवारी दर्ता सुरु गरेको छ ।

अर्बपति विनोद चौधरीले पनि यस पटक प्रत्यक्ष तर्फ उम्मेदवारी दिने भएका छन् । उनलाई नेपाली कांग्रेसले नवलपारासी १ बाट प्रतिनिधिसभाको टिकट दिएको छ । चौधरीसँग जनता प्रगतिशील पार्टीका हृदयेश त्रिपाठी सँग प्रतिस्पर्धा हुने छ ।

उनि यस भन्दा अगाडी समानुपातिक तर्फबाट प्रतिनिधिसभाको सदश्य थिए । कांग्रेसबाट टिकट पाउने टुङ्गो भए सँगै उनले अव निर्वाचन आयोगमा उम्मेदवारी दर्ता गराउने छन् । उम्मेदवारी दर्ता गराउदा २५ जना भन्दा बढी सहभागिता हुन नपाउने व्यवस्था छ । निर्वाचन आचारसंहितामा बाजा गाजा र झाँकी प्रदर्शन गर्न नपाइने उल्लेख छ ।

नेकपा एमालले चौधरीलाई २०७० को निर्वाचनमा यहि क्षेत्रबाट उठाउने तयारी गरे पनि उनले चाहेका थिएनन् । चौधरी २०६४ को चुनावमा एकालेबाट समानुपातिक साभासद थिए । यस पटक भने उनि आफैले प्रत्यक्ष तर्फ उम्मेदवारी दिने घोषणा गरेका थिए ।