नवलपुरमा राति नौ बजेपछि देउसी भैलो खेल्न रोक

नवलपुर न्युज

२०७९ कार्तिक ६, आईतबार प्रकाशित (२ साल अघि) ८०७ पाठक संख्या

कावासोती ।  प्रशासनले राति ९ बजेपछि देउसी/भैलो खेल्न रोक लगाएको छ । जिल्ला प्रशासन कार्यालय नवलपुरले देउसी/भैलो खेल्न राति ९ बजेको समयसीमा तोकेका हुन् ।

प्रशासनले एक सार्वजनिक सूचना जारी गर्दै राति ९ बजेपछि देउसीभैलोे खेल्न रोक लगाएको हो । प्रमुख जिल्ला अधिकारी सुमन घिमिरेद्वारा हस्ताक्षरित सहितको सूचनामा भनिएको छ ।

२०७९ सालको तिहार र शुभ दिपावलीका अवसरमा खेलिने देउसी भौलो राति ९ बजेसम्म मात्र खेल्नुहुन सम्बन्धित सबैमा यसै सूचना मार्फत जानकारी गराइन्छ ।

साथै प्रचलित धर्म परम्परा र रीतिरिवाज विपरीतको कुनै कार्य गरे , गराएमा कानून बमोजिम कारबाही हुने व्यहोरा समेत सूचित गरिन्छ ।