कावासोती नगरपालीकामा मेयरकप फुटबल प्रतियोगिता सुरु

नवलपुर न्युज

२०७९ माघ २८, शनिबार प्रकाशित (१ साल अघि) १५२२ पाठक संख्या

कावासोती । नवलपुरको कावासोती नगरपालिकामा पाँचौ मेयर कप प्रतियोगिता शुरु भएको छ ।

कावासोती ४ हसौरामा सुरु भएको प्रतियोगिताको उद्घाटन सत्र कावासोती नगरपालिका नगर प्रमुख विष्णुप्रसाद भुसालको अध्यक्षता र पूर्व सांसद तिलक महतको प्रमुख आतिथ्यतामा भएको हो।

कार्यक्रममा नगर उपप्रमुख फुलकुमारी थनेत , प्रमुख प्रशासकीय अधिकृत , विभिन्न वडाका जनप्रतिनिधि लगायतको उपस्थिति रहेको थियो । उद्घाटन कार्यक्रम सुशील पौडेलको संचालनमा भएको थियो भने वडा अध्यक्ष नारायण प्रसाद लोहनीको स्वागत मन्तव्य राख्नु भएको थियो।

यसैबीच आज कावासोती १२ र १६ बिच भएको खेलमा कावासोती १२ ले १-० गोल अन्तरले विजयी भएको छ । भोली कावसोती  १ – ११ बिच पहिलो खेल र  दोस्रो खेल कावसोती १३ र १५ बिच हुनेछ ।