नवलपुरमा लागुऔषध सहित एक जनालाई पक्राउ

नवलपुर न्युज

२०७९ माघ २९, आईतबार प्रकाशित (१ साल अघि) ६६८ पाठक संख्या

कावासोती । नवलपुरमा प्रहरीले लागुऔषध सहित एक जनालाई पक्राउ गरेको छ । प्रहरीले लागुऔषध सहित पोखरा महानगरपालिका वडा नं: ५ मालेपाटनका १९ वर्षका समीर बुढाथोकीलाई पक्राउ गरेको हो ।

प्रहरीले आशंकाको आधारमा उनले बोकेको झोलालाई चेकजाच गर्दा लागुऔषध फेला परेपछि मध्यविन्दु १५ गडारखोलाबाट बुढाथोकी पक्राउ परेका हुन ।

जिल्ला प्रहरी कार्यालय नवलपुरका अनुसार बुटवलबाट पोखरा जाँदै गरेको बसमा सवार उनको साथबाट डाईज‍ोपाम ५० एम्पुल, फेनरागन ५० एम्पुल र आईपिपिएल ५० एम्पुल लागुओषध फेला परेको प्रहरीले जनाएको छ ।

शुक्रबार साँझ लागुओषध सहित पक्राउ परेका उनलाई जिल्ला प्रहरी कार्यालयमा राखी अनुसन्धान कार्य भईरहेको जनाईएको छ ।