मध्यविन्दुमा लागुऔषध सहित दुई जना पक्राउ

नवलपुर न्युज

२०७९ फागुन १, सोमबार प्रकाशित (१ साल अघि) ४८६ पाठक संख्या

कावासोती । नवलपुर प्रहरीले मध्यविन्दुबाट लागुऔषध ओसार पसारमा संलग्न दुई युवकलाई पक्राउ गरेको छ। प्रहरीले नियमित गर्ने सड़क सुरक्षा चेकजाँचका क्रममा दुई जनालाई लागु औषध सहित नियन्त्रणमा लिएको हो ।

मध्यबिन्दु नगरपालिका – १५ गडारखोलास्थित सडकबाट अवैध लागूऔषध ब्राउनसुगर २ सय ७० मिलिग्रामसहित कपिलबस्तु वाणगंगा नगरपालिका – ७ बस्ने २३ वर्षीय लक्ष्मण थारुसमेत २ जनालाई सोमबार बिहान प्रहरीले पक्राउ गरेको छ ।

जिल्ला प्रहरी कार्यालय नवलपुरबाट खटिएको प्रहरीले लु:२ ख ४७७० नम्बरको बसलाई जाँच गर्ने क्रममा बसमा सवार उनीहरूलाई उक्त लागूऔषधसहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।