नवलपुरमा खैरो हेरोइन सहित १ युवक पक्राउ  

नवलपुर न्युज

२०७९ फागुन ३, बुधबार प्रकाशित (१ साल अघि) ४२६ पाठक संख्या

कावासोती । नवलपुरमा अवैध लागूऔषध खैरो हेरोइन सहित एकजना युवक पक्राउ परेका छन् ।

गैंडाकोट नगरपालिका – २ बाट अवैध लागूऔषध खैरो हेरोइन जस्तो देखिने पदार्थ करिब १ ग्राम २ सय मिलिग्राम र १ लाख रुपैयाँ सहित दाङ घोराही उपमहानगरपालिका – १० बस्ने १८ वर्षीय किशोरलाई मंगलबार बिहान प्रहरीले पक्राउ गरेको छ ।

ईलाका प्रहरी कार्यालय गैडाकोटबाट खटिएको प्रहरीले ना.८ ख १९९८ नम्बरको बसलाई जाँच गर्ने क्रममा उक्त पदार्थ र नगद सहित फेला पारी बसमा सवार उनलाई पक्राउ गरेको हो ।

उनी उपर लागूऔषध मुद्दामा थप अनुसन्धान भइरहेको छ ।