मध्यबिन्दु गोल्डकप फुटबल प्रतियोगिता भोली देखी

नवलपुर न्युज

२०७९ फागुन ११, बिहिबार प्रकाशित (१ साल अघि) ६३१ पाठक संख्या

मध्यबिन्दु । मध्यविन्दु नगरपालिकामा वडा स्तरीय फुटबल प्रतियोगिता २०७९ हुने भएको छ ।

भोली फाल्गुन १२ गते देखी ” राष्ट्रको लगी खेलकुद, स्वास्थ्यको लागी खेलकुद, समृद्ध मध्यबिन्दुको लागी खेलकुद ” भन्ने नारा सहित मध्यबिन्दु नगरपालिका वडा स्तरीय फुटबल प्रतियोगिता हुन लागेको हो ।

मध्यबिन्दु ७ चोरमारा स्थित नवजागरण माध्यमिक विद्यालयको रंगशालामा हुने सो प्रतियोगिताको आयोजना मध्यबिन्दु नगरपालिका खेलकुद विकास समितिले गर्ने भएको हो ।

भोली देखी सुरु भई फाल्गुन १७ गते सम्म चल्ने फुटबल प्रतियोगिताको प्रथम पुरस्कार नगद रु ५०हजार , मेडल , प्रमाणपत्र र ट्रफी , द्वीतिय पुरस्कार नगद रु ३० हजार,मेडल , प्रमाणपत्र र ट्रफी त्यस्तै तेस्रो एवं सान्तोना पुरस्कार नगद रु १० हजार ,मेडल , प्रमाणपत्र र ट्रफी हुनेछ ।

प्रतियोगितामा १५ टिमले सहभागीता जनाउने छन् । त्यस्तै उत्कृष्ट पाँच खेलाडीलाई नगद , मेडल र प्रमाणपत्रबाट सम्मानित गरिने आयोजकले जनाएको छ।