कावासोतीमा भोली देखी तेक्वान्दो प्रतियोगिता हुने

नवलपुर न्युज

२०७९ फागुन ११, बिहिबार प्रकाशित (१ साल अघि) ८०८ पाठक संख्या

कावासोती । नवलपुर जिल्ला तेक्वान्दो संघद्वारा वडास्तरिय तेक्वान्दो प्रतियोगिता आयोजना गरिने भएको छ । भोली फाल्गुन १२ र १३ गते कावासोतीमा तेक्वान्दो प्रतियोगिता हुने भएको हो ।

“स्पोर्ट्स फर हेल्थ, स्पोर्ट्स फर नेशन” भन्ने नारा सहित भोली र पर्सी दुई दिन कावासोती १२ स्थित पिठौली चौरमा वडा स्तरीय खुल्ला (आई.टि.एफ) तेक्वान्दो प्रतियोगिता प्रतियगिता हुन लागेको छ ।

प्रतियगिताको आयोजना नवलपुर जिल्ला तेक्वान्दो संघ ( आई.टि.एफ) ले गर्ने र सो कार्यक्रम सञ्चालन गर्न कावासोती नगरपालिका वडा नं १२ को वडा कार्यालयले सहयोग गर्ने आयोजकले जनाएको छ ।

उक्त प्रतियोगितामा उत्कृष्ट प्रदर्शन र राम्रो स्थान हासिल गर्ने खेलाडीलाई पुरस्कार , प्रमाणपत्र एबं मेडल प्रदान गरिने जिल्ला तेक्वान्दो संघले जनाएको छ ।