नवलपुरमा ट्रयाक्टर दुर्घटनामा एक जनाको निधन

नवलपुर न्युज

२०७९ फागुन १६, मंगलबार प्रकाशित (१ साल अघि) ४५७५ पाठक संख्या

कावासोती । नवलपुरमा ट्रयाक्टर दुर्घटना हुँदा एक जनाको निधन भएको छ भने दुई जना घाइते भएका छन् ।

विनयी त्रिवेणी गाउँपालिका ४ काभ्रेलीचोकस्थित भित्री सडक खण्ड (देउराली- सर्दी) मा ट्रयाक्टर दुर्घटना हुँदा १३ वर्षीय बविन क्षेत्रीको मृत्यु भएको छ।

जिल्ला प्रहरी कार्यालय नवलपुरका अनुसार आईतबार राती लु ४ त ३०४६ नम्बरको ट्रयाक्टर आफैँ अनियन्त्रित भई सडक साइडमा पल्टन जाँदा उनको उपचारको क्रममा मध्यविन्दु जिल्ला अस्पताल कावासोती डण्डामा निधन भएको हो ।

उक्त दुर्घटनामा परी घाइते हुनेमा ट्रयाक्टर चालक विनयी त्रिवेणी ४ बस्ने वर्ष ३१ को लक्ष्मण क्षेत्री र २८ वर्षीया महिला डुग्गी कुँवर क्षेत्री घाइते भएको जिल्ला प्रहरी कार्यालय नवलपुरका सूचना अधिकारी प्रहरी नायव उपरीक्षक सन्तोष पाठकले बताउनुभयो ।

घाइतेको मध्यविन्दु जिल्ला अस्पताल डण्डामा उपचार भइरहेको छ । ट्रयाक्टर घरमा ठोक्किन पुग्दा स्थानीय गणेशप्रसाद बस्यालको घरमा समेत क्षति पुग्न गएको प्रहरीले जनाएको छ ।