२०८१ मंसिर १३, बिहिबार
२६३२ पाठक संख्या कावासोती । पश्चिम नवलपरासीको पाल्हीनन्दनमा बाघको आक्रमणबाट दुई जना घाइते भएका छन् ।
पाल्हीनन्दन गाउँपालिकामा रहेको वैरवाको आँप र बाँसघारीको बगैंचामा बाघले आक्रमण गर्दा वडा नं: ४ का ४५ वर्षीय गजेन्द्र कोईरी र वडा नं:६ लंगडिपाकड बस्ने १८ वर्षीष सम्पत भर घाइते भएको जिल्ला प्रहरी कार्यालय पश्चिम नवलपरासीका सूचना अधिकारी प्रहरी नायव उपरीक्षक भोजराज पाण्डेले जानकारी दिनुभयो ।
घाइते कोईरीको मुख ,नाक र ओठमा चोट लागेको छ भने भरको खुट्टामा चोट लागेको र दुवैको अवस्था सामान्य रहेको प्रहरीले जनाएको छ । घाइतेहरु दुबैको पाल्हीनन्दन अस्पताल लोहरौलीमा उपचार भईरहेको छ ।
बाघ अहिले पनि सोही बगैंचामा लुकेर बसेकाले वन कार्यालयको प्राविधिक टोली नियन्त्रणको लागि घटनास्थलतर्फ प्रस्थान गरेको छ ।
नवलपुर सञ्चार प्रा. लि. द्वारा संचालित
सूचना विभागमा दर्ता नं. : २५७० – २०७७/२०७८
स्थायी लेखा नं : ६०९७७९९६९
वेबसाइट: nawalpurnews.com
इमेल: [email protected]
फोन नम्बर:+977-9851135484, 9807572268
सम्पर्क ठेगाना: मध्यबिन्दु, नवलपुर
