२०८१ मंसिर १२, बुधबार
१००३ पाठक संख्या कावासोती । पूर्वी नवलपरासीमा नवलपुर प्रहरीले लागुऔषधसहित एकजनालाई पक्राउ गरेको छ ।
जिल्ला प्रहरी कार्यालय नवलपुरका सूचना अधिकारी प्रहरी नायब उपरीक्षक सन्तोष पाठकका अनुसार रुपन्देही जिल्लाको सोमरीमाई गाउँपालिका– ७ निवासी २० वर्षीय कृष्ण प्रसाद लोध पक्राउ परेका हुन् ।
मंगलबार साझा नवलपुरको कावासोती नगरपालिका – १६ चालिसकिलो स्थित पूर्व–पश्चिम राजमार्गको सडकखण्डमा चेकजाँचको क्रममा उनलाई लागुऔषधसहित पक्राउ गरिएको हो ।
उनको साथबाट लागुऔषध डाइजेपाम ९८ एम्पुल, फेनारगन ९८ एम्पुल र बुर्फिनुर्फिन ९८ एम्पुल गरी जम्मा २९४ एम्पुल बरामद गरेको प्रहरीले जनाएको छ ।
पक्राउ परेका कृष्णलाई लागुऔषध नियन्त्रण ऐन , २०३३ बमोजिम कारबाही अगाडि बढाइने प्रहरी नायब उपरीक्षक पाठकले बताए ।
नवलपुर सञ्चार प्रा. लि. द्वारा संचालित
सूचना विभागमा दर्ता नं. : २५७० – २०७७/२०७८
स्थायी लेखा नं : ६०९७७९९६९
वेबसाइट: nawalpurnews.com
इमेल: [email protected]
फोन नम्बर:+977-9851135484, 9807572268
सम्पर्क ठेगाना: मध्यबिन्दु, नवलपुर
