कोल्हुवामा विपद व्यवस्थापन सम्बन्धी प्रशिक्षण कार्यक्रम सम्पन्न

नवलपुर न्युज

२०८० जेष्ठ २६, शुक्रबार प्रकाशित (१ साल अघि) ५५८ पाठक संख्या

कोल्हुवा । जिल्ला नवलपरासी ( बर्दघाट सुस्ता पूर्व ) मध्यविन्दु न.पा. वडा नं: २  कोल्हुवा स्थित स्वास्थ्य कार्यलय नवलपुरको आयोजनामा बिहीवार महामारी,आरटिआर एवम विपदजन्य घट्नामा सुरक्षाकर्मीको भुमिका सम्बन्धि एक दिने अभिमुखिकरण कार्यक्रम सम्पन्न भएको छ ।

स्वास्थ्य कार्यलय नवलपुरका प्रमुख केशव प्रसाद चापागाईको अध्यक्षता सम्पन्न भएको हो । उक्त कार्यक्रममा नेपाली सेना, नेपाल प्रहरी र सशस्त्र प्रहरीलाई लक्षित गर्दै प्रशिक्षण गरिएको जिल्ला स्वास्थ कार्यालय प्रमुख चापागाईले बताउनुभयो ।

जिल्लामा हुने विपदका घटनाहरुलाई न्यूनिकरण र विपद प्रभावितका लागि गरिने उद्धार , आर्थिक , सामाजिक , पुर्वतयारी र प्रतिकार्य कसरी प्रभावकारी तरिकाले गर्न सकिन्छ  ,सुरक्षाकर्मीको भुमिका तथा दायीत्व ,भौतिक सहयोगका मापदण्ड के के छन र सरकारले यस बिषयमा लागु गरेका ऐन, नीति निर्देशिका र नियमावलीका बिषयमा बृहत प्रशिक्षण दिईएको थियो।

त्यस्तै प्रशिक्षण तालिममा विपद व्यवस्थापन क्षमता, विपद व्यवस्थापनको लागि गरिरेहेका कार्यहरुको तथा आगामी दिनमा विपद व्यवस्थापनको लागि कसरी प्रभावकारी काम गर्न सकिन्छ भनेर बृहत छलफल समेत गरिएको थियो।

कार्यक्रममा जिल्ला प्रहरी कार्यालय प्रहरी उपरीक्षक भुवनेश्वर तिवारी , सशस्त्र प्रहरी नायक उपरीक्षक बिनोद खतिवडा , मध्यबिन्दु जिल्ला अस्पतालका मेसु डा.जितेन्द्र कडेल, जिल्ला ट्राफिक कार्यालय प्रमुख गणेश पौडेल , स्वास्थ्य कार्यलय अधिकृत मुक्तिनाथ भट्टराई , टेक  नारायण अधिकारी , खिम बहादुर सारु लगायतका ६० जना सुरक्षाकर्मीहरुको सहभागिता रहेको थियो ।