मुग्लिन- नारायणगढ सडक पहिरोले अवरुद्ध

नवलपुर न्युज

२०८० श्रावण १४, आईतबार प्रकाशित (१ साल अघि) ५६१ पाठक संख्या

चितवन । पहिरोले मुग्लिन – नारायणगढ सडक अवरुद्ध भएको छ । सडक खण्डअन्तर्गत इच्छाकामना गाउँपालिका ६ मा पर्ने कालीखोला पुल नजिक आइतबार बिहान पहिरो खस्दा सडक अवरुद्ध भएको हो ।

अविरल वर्षाका कारण माथिबाट लेदोसहितको पहिरो झर्दा सडक अवरुद्ध भएको डिभिजन सडक कार्यालय भरतपुरले जनाएको छ ।

कार्यालयका अनुसार तयारी अवस्थामा रहेको डोजरलगायत मेसिन पहिरो झरेको स्थानतर्फ पठाइएको छ । पहिरो धेरै ठूलो नभएकोले पन्छाउन केही समय लाग्ने कार्यालयले बताएको छ ।