चितवनमा दुर्घटना: २० जना घाइते, ७ को अवस्था गम्भीर

नवलपुर न्युज

२०८० श्रावण ३१, बुधबार प्रकाशित (१ साल अघि) १२८८ पाठक संख्या

चितवन । चितवनको टिकौलीमा भएको सवारी साधन दुर्घटना २० जना घाइते भएका छन् ।

महेन्द्र राजमार्गअन्तर्गत भरतपुर महानगर र रत्ननगर नगरपालिकाबीच पर्ने टिकौली जंगलमा बुधवार दिउँसो भएको त्रासदीपूर्ण दुर्घटनामा २० जना घाइते भएको जिल्ला प्रहरी कार्यालय चितवनका एसपी रामेश्वर कार्कीले लोकान्तरलाई बताए ।

उनका अनुसार घाइतेमध्ये सात जनाको अवस्था गम्भीर रहेको छ । घाइतेहरूलाई उपचारका लागि अस्पताल पठाइएको उनले बताए ।

एकै ठाउँमा धेरै गाडी र मोटरसाइकल ठोक्किएर दुर्घटना भएको हो । कलेजको बस, शव बोकेको गाडी, स्कुटर, बलोरो र मोटरसाइकल एक-आपसमा ठोक्किएको कार्कीले बताए ।