नवलपुर प्रहरीद्वारा ६ सय २० लिटर घरेलु मदिरा बरामद  

नवलपुर न्युज

२०८० आश्विन १६, मंगलबार प्रकाशित (१ साल अघि) ९५७ पाठक संख्या

कावासोती । नवलपुरको गैँडाकोटमा प्रहरीले अटोबाट घरेलु मदिरा बरामद गरेको छ । गैँडाकोट नगरपालिका वडा नं ३ रानीतालबाट प्रहरीले घरेलु रक्सी बरामद गरेको हो ।

रानीताल स्थित कालीगण्डकी करिडोरमा नेपाल प्रहरी र शसस्त्र प्रहरी वलको संयुक्त चेकिङ टोलीले चेकजाँच गर्ने क्रममा २ वटा अटोहरुबाट ६ सय २० लिटर घरेलु मदिरा बरामद गरेको जिल्ला प्रहरी कार्यालय नवलपुरका डिएसपी बेद बहादुर पौडेलले बताउनुभयो ।

सोही क्रममा बरामद भएका रक्सीलाई ईलाका प्रहरी कार्यालय गैँडाकोटमा राखिएको छ । बरामद भएको रक्सीलाई आजै नष्ट गर्ने तयारी गरेको जिल्ला प्रहरी कार्यालय नवलपुरले जनाएको छ ।