नवलपुरमा आगोलागि हुँदा ४० लाख बराबरको क्षती

नवलपुर न्युज

२०८० आश्विन २०, शनिबार प्रकाशित (१ साल अघि) ९७९ पाठक संख्या

कावासोती । नवलपुरको दलदलले बजारमा रहेको एक बाईक केयर पार्टसमा आगलागी भएको छ ।

गएराती  १२ बजेतिर देवचुली नगरपालिका – १३ दलदले स्थितमा रहेको भुषण कुमार कुशवाहाले संचालन गर्दै आएको बाइक केयर पार्टसमा बिजुली सर्ट भई आगलागी भएको जिल्ला प्रहरी कार्यालय नवलपुरका सूचना अधिकारी डिएसपी बेदबहादुर पौडेलले जानकारी दिनुभयो ।

रातीको समयमा लागेको आगो स्थानिय, प्रहरी र कावासोती नगरपालिकाको दमकलको सहायतामा नियन्त्रण लिईएको डिएसपी पौडेलले बताउनुभयो । आगलागीबाट झण्डै ४० लाख रुपैयाको क्षति भएको अनुमान गरिएको छ ।

आगोले स्पेयर पार्टस, कम्प्युटर, ल्यापटप, फर्निचर लगायतका सामान पुर्णरुपमा नष्ट भएको प्रहरीले जगाएको छ । आगलागीबाट कुनै पनि मानवीय क्षति भने भएको छैन ।