कावासोतीमा मलामी गएका पुरुष नारायणी नदीमा बेपत्ता

नवलपुर न्युज

२०८० कार्तिक १६, बिहिबार प्रकाशित (१ साल अघि) ३५९८ पाठक संख्या

कावासोती । नवलपुरमा मलामी गएका एक जना पुरुष नारायणी नदीमा बेपत्ता भएका छन् ।

जिल्ला प्रहरी कार्यालय नवलपुरका सूचना अधिकारी प्रहरी नायव उपरीक्षक बेद बहादुर पौडेलका अनुसार कावासोती नगरपालिका – १३ भोसरघाट स्थित मलामी गएका कावासोती – ७ बस्ने ४० वर्षीय खेम नारायण महतो पौडी खेल्ने क्रममा डुबी बेपत्ता भएका हुन् ।

बेपत्ता महतोको प्रहरी र स्थानीय बासिन्दाको टोलीले खोजी कार्य गरेतापनि हालसम्म पनि फेला पार्न नसकेपछि गोताखोर ल्याउन लागिएको नवलपुर प्रहरीले जनाएको छ ।