राईनो संरक्षण गोल्डकप : एपीएफ विजयी

नवलपुर न्युज

२०८० फागुन १, मंगलबार प्रकाशित (९ महिना अघि) ४५० पाठक संख्या

कोल्हुवा । नवलपुरको कोल्हुवामा सुरु भएको छैटौं संस्करण राईनो संरक्षण गोल्डकप आजको खेलमा एपीएफ क्लब काठमाडौँ विजयी भएको छ । बागमती प्रदेशलाई १-० ले हराउँदै एपीएफ क्लबले प्रतियोगितामा जित निकालेको हो ।

भोलि अर्थात् बुधबार क्वाटर फाइनलको खेलमा त्रिभुवन आर्मी क्लब र सेन्टर कलेज फोर ब्रोर्दर भुमही बीच खेल हुनेछ । प्रतियोगितामा १२ वटा टिम सहभागी छन् । ए डिभिजन, बिभागीय टिमहरुको समेत सहभागिता रहेको यो खेलमा पहिलो र दोश्रो हुने टिमले ८ लाख र ४ लाख नगद पाउनेछन् ।

त्यस्तै गत शनिबार उद्घाटन खेलमा विरगञ्ज युनाईटेड क्लबलाई १–२ ले हराउँदै सेन्टर कलेज फोर ब्रोर्दरले प्रतियोगिता जित निकाल्दै क्वाटर फाइनलमा प्रवेश गरेको थियो । प्रतियोगिताको फाइनल फागुन ९ गते बुधबार हुनेछ ।