नवलपुरमा सवारी दुर्घटना, तीनजना घाइते 

नवलपुर न्युज

२०८१ जेष्ठ १६, बुधबार प्रकाशित (५ महिना अघि) १४१२ पाठक संख्या

कावासोती । नवलपुरको विभिन्न ठाउँमा दुर्घटना हुँदा एक महिलासहित तीनजना घाइते भएका छन्।

मङ्गलबार राति कावासोती ८ इन्द्र चोकमा स्कुटीले पैदल यात्रीलाई ठक्कर दिंदा २ जना घाइते भएका छन् । अर्का एकजना भने बौदीकाली २ गुरौटारमा दुर्घटना हुँदा घाइते भएका हुन् ।

जिल्ला प्रहरी कार्यालय नवलपुरका अनुसार लु ४४ प ६१२५ नम्बरको स्कुटीको ठक्करबाट कावासोती ३ बस्ने ४४ बर्षीय बेलमती बाचे र अर्का ५५ बर्षीय पुरुष घाइते भएका छन् । उनीहरु दुबैको पुरानो मेडिकल कलेजमा उपचार भईरहेको छ ।

नवलपुरको बौदीकाली २ गुरौटारमा लु १ च ६२५५ नम्बरको पिकअफको ठक्करबाट बौदीकाली २ बस्ने ५६ बर्षीय गुनबहादुर सुनार घाइते भएका हुन् । उनको नयाँ मेडिकल कलेज भरतपुरमा उपचार भईरहेको छ ।