नवलपुरमा बिजुलीको पोलमा मोटरसाइकल ठोकिँदा एकजना घाईते

नवलपुर न्युज

२०८१ जेष्ठ १७, बिहिबार प्रकाशित (५ महिना अघि) १६७० पाठक संख्या

कावासोती । नवलपुरमा बिजुलीको पोलमा मोटरसाइकल ठोकिँदा एकजना गम्भीर घाइते भएका छन् ।

हुप्सिकोट गाउँपालिका – १ जुगेपानी स्थित भित्री सडक खण्डमा बुधबार राति ८:४५ बजे मोटरसाइकल आफैँ अनियन्त्रित भई बिजुलीको पोलमा ठक्कर खाई दुर्घटना हुँदा चालक गम्भीर घाइते भएका हुन् ।

जुगेपानीबाट हसौरातर्फ जाँदै गरेको ग.प्र. ०४-००१ प ७७२८ नम्बरको मोटरसाइकल दुर्घटनामा चालक हुप्सिकोट – १ जुगेपानीका ३८ वर्षीय दीपक राना घाइते भएको जिल्ला प्रहरी कार्यालय नवलपुरले जनाएको छ।

ठक्करबाट घाइते भएका रानाको टाउको अनुहार र शरीरको विभिन्न भागमा गम्भीर रूपमा चोटपटक लागेकोले मध्यविन्दु जिल्ला अस्पताल डण्डामा सामान्य उपचार पश्चात थप उपचारको लागी भरतपुर रिफर गरिएको प्रहरीले जनाएको छ । प्रहरीले मोटरसाइकल नियन्त्रणमा लिई थप अनुसन्धान गरिरहेको छ।