नवलपुरमा पाँच वर्षपछि फरार अभियुक्त पक्राउ

नवलपुर न्युज

२०८१ जेष्ठ १७, बिहिबार प्रकाशित (५ महिना अघि) ३५२ पाठक संख्या

कावासोती । नवलपुर जिल्लाको कावासोती नगरपालिका–१ रिठेपानीका पृथीसिं थिंङ तामाङलाई प्रहरीले पाँच वर्षपछि फरार रहेका अभियुक्तलाई पक्राउ गरेको छ ।

जिल्लाको कावासोती नगरपालिका वडा नं: १ रिठेपानीका २७ वर्षीय पृथीसिं थिंङ तामाङले चलाएको मोटरसाइकल दुर्घटनामा कावासोती वडा नं। ५ पश्चिम टोलाका ३६ वर्षीय मनबहादुर सिजालीको मृत्यु भएको थियो ।

सोही घटनामा फरार तामाङलाई झण्डै पाँच वर्षपछि बीहिबार पक्राउ गरिएको जिल्ला प्रहरी कार्यालय नवलपुरका सूचना अधिकारी, प्रहरी नायव उपरीक्षक बेदबहादुर पौडेलले जानकारी दिनुभयो ।

२०७६ साल पुष १६ गते तामाङले चलाएको लु २७ प ६१३३ नम्बरको मोटरसाइकल पछाडि बसेका सिंजालीको तीन दिनपछि पुष १९ गते मृत्यु भएको थियो । घटना पछि फरार रहेका पृथ्वीसिलाई नवलपुर प्रहरीले यहि जेठ १६ गते पक्राउ परेको गरेको  हो । प्रहरीले आवश्यक अनुसन्धान सकाएर थिङलाई सवारी ज्यान कसुरमा मुद्धा दर्ता गर्ने तयारी गरेको छ ।