नवलपुरका विभिन्न ठाउँमा हावाहुरीले क्षति पुर्यायो 

नवलपुर न्युज

२०८१ जेष्ठ १८, शुक्रबार प्रकाशित (५ महिना अघि) ११६१ पाठक संख्या

कावासोती । नवलपुरमा बिहिवार रातिको हावाहुरीले विभिन्न ठाउँका विद्यालय र स्थानीय बासिन्दाका घरमा क्षति पुगेको छ । विद्यालयका छाना उडेपछि पढाइ प्रभावित भएको छ ।

जिल्ला प्रहरी कार्यालय नवलपुरबाट अहिलेसम्म प्राप्त भएको सूचना अनुसार हावाहुरीले रुखहरु ढली १० वटा घर र २ वटा विद्यालयमा क्षति पुगेको छ ।

क्षति पुर्‍याउनेमा बिनयी त्रिवेणी गाउँपालिका – ५ मा ४ वटा घरहरुको छानो उडाईको छ । यस्तै सोही नगरपालिका –  १० नयाँ वेलहानीमा सरस्वती माध्यमिक विद्यालयमा रुख ढली पर्खाल, भर्‍याङमा क्षति पुर्‍याएको छ।

त्यसैगरी कावासोती नगरपालिका –  १७ स्थितमा सरस्वती माध्यमिक विद्यालयमा रुख ढली क्षति पुर्‍याएको छ । यस्तै देवचुली नगरपालिका – ४ झाँक्रेमा सालको रुख ढली १ घरमा क्षति पुर्‍याएको छ ।

यस्तै गैडाकोट नगरपालिका – १३ सिख्रौलीमा १ घरको छाना उडाएर क्षति पुर्‍याएको जिल्ला प्रहरी कार्यालय कावासोतीका सुचना अधिकारी एव प्रहरी नायव उपरीक्षक बेदबहादुर पौडेलले जानकारी दिनुभयो ।

हावाहुरीले विभिन्न स्थानमा बिजुलीको पोलहरु ढली विद्युत अबरुद्ध भएको र अबरुद्ध विद्युत सुचारुको लागि प्रहरीको टोली खटी मर्मतका लागि सम्बन्धित निकायसंग आबश्यक समन्वय भएको पौडेलले बताउनुभयो ।