कावासोती नगरपालिकामा तोडफोड

नवलपुर न्युज

२०८१ अषाढ १, शुक्रबार प्रकाशित (५ महिना अघि) ८३३ पाठक संख्या

कावासोती । नवलपुरको कावासोती नगरपालिकामा तोडफोड भएको छ ।

नाला पुरिएर ३ जना कामदार महिलाको मृत्यु भएको घटनाको विषयमा आन्दोलनमा उत्रिएका प्रर्दशनकारीले कावासोती नगरपालिकामा तोडफोड गरेका हुन ।

बिहीबार कावासोतीको फलफूल चोकमा निर्माणाधीन नालाको माटोले पुरिएर ३ जना कामदार महिलाको मृत्यु भएको थियो । आक्रोसित स्थानीय बासिन्दा, पीडितका परिवार र आफन्तले नगरपालिकामा ढुंगामुढा सहित तोडफोड गरेका हुन् ।

प्रहरीका अनुसार ढिस्कोले पुरिएर कावासोती ५ लक्ष्मीनगर निवासी ५१ बर्षीय सेती राना, २६ बर्षीय तान माया गाहा र ३२ बर्षीय चमेली दर्लामीको निधन भएको हो । उनीहरुको शव मध्यबिन्दु अस्पतालमा राखिएको छ ।

नगरपालिकाले उचित अनुगमन नगरेको तथा कार्यस्थलमा मजदुरको सुरक्षामा उचित ध्यान नदिएको भन्दै स्थानीयले बिहीबार राति नै नगरप्रमुख विष्णुप्रसाद भुषालको घर घेराउ गरेर नाराबाजी गरेका थिए ।