नवलपुरमा नारायणी नदीमा डुबेर बालिकाको मृत्यु

नवलपुर न्युज

२०८१ अषाढ २, शनिबार प्रकाशित (५ महिना अघि) ११४४ पाठक संख्या

कावासोती । नवलपुरको त्रिवेणीस्थित गण्डक ब्यारेज पुल तल नारायणी नदीमा पौडी खेल्न गएकी एक बालिकाको डुबेर मृत्यु भएको छ ।

त्रिवेणी गाउँपालिका–७ त्रिवेणी स्थित गण्डक ब्यारेज पुलबाट नारायणी नदीमा खसेर गम्भीर भएकी बालिकाको उपचारको क्रममा मृत्यु भएको हो ।

जिल्ला प्रहरी कार्यालय नवलपुरका प्रहरी नायव उपरीक्षक बेदबहादुर पौडेलका अनुसार स्थानीय चन्दन गुप्ताकी १३ बर्सिया छोरी आँचल गुप्ता गण्डक ब्यारेज पुल वाट नारायणी नदीमा खस्दा डुबेर मृत्यु भएको हो ।

प्रहरी र स्थानीयले उद्धार गरेर नजिको भारतीय सुरभी मेडिकेयरमा उपचारको लागि पुरयाइएपछि उनको मृत्यु भएको प्रहरीले जनायो । त्रिवेणीधामस्थित नेपाल भारत सिमानामा गण्डक ब्यारेज पुल रहेको छ ।