मध्यविन्दुमा उल्टी खोलाले बगाउँदा एकजना बेपत्ता

नवलपुर न्युज

२०८१ अषाढ २८, बिहिबार प्रकाशित (४ महिना अघि) १२६४ पाठक संख्या

कोल्हुवा । नवलपुरको मध्यविन्दुमा खोलाले बगाउँदा एकजना बेपत्ता भएका छन् ।

उल्टी खोलाले बिहिबार दिउँसो बगाउँदा मध्यविन्दु नगरपालिका वडा नं: ४ मदनपुर घर भएका ३५ वर्षका सूर्य परियार खोलाले बगाएर बेपत्ता भएको नवलपुर प्रहरीले जनाएको छ ।

जिल्ला प्रहरी कार्यलय नवलपुरका सुचना अधिकारी प्रहरी नायव उपरीक्षक वेद प्रसाद पौडेलका अनुसार पतवारी स्थित उल्टी खोला तर्ने क्रममा परियारलाई बाढीले बगाएको हो । कोल्हुवा प्रहरी चौकीबाट खटिएको टोली र स्थानीयवासीले उनको खोजी गरिरहेका छन् ।