नारायणीमा पानीको सतह खतराको तह नजिक

नवलपुर न्युज

२०८१ अषाढ २८, बिहिबार प्रकाशित (४ महिना अघि) २८७ पाठक संख्या

नारायण शर्मा 

पूर्वी नवलपरासी — वर्षाका कारण नारायणी नदीमा पानीको सतह बढेको छ । देबघाट जल मापन केन्द्रका अनुसार बिहीबार दिउँसो सवा ३ बजे देबघाटमा पानीको सतह ७ दशमलब ६२ मिटर उचाइमा पुगेको छ ।

यो सर्तकता रहन पर्ने तह भन्दा माथि हो । पूर्वी नवलपरासी, चितवन र तनहुँको संगमस्थल देबघाटमा पानीको सतह ७ मटिर भन्दा पुगेपछ सतर्क रहनुपर्ने अवस्था भन्ने बुझिन्छ ।

लगातारको वर्षाका कारण नारायणीमा बाढी बढेकाले नवलपरासी र चितवनस्थित नदी आसपासका सर्वसाधारणले सर्तकता अपनाउन पर्ने जल तथा मौसम विज्ञान विभागले आह्वान गरेको छ ।

बुधवारदेखिको झरीले बिहीबार दिउँसो १२ बजेपछि नारायणीमा एक्कासी पानीको सतह बढेको हो । गण्डकी प्रदेशको नारायणी नदी आसपासको क्षेत्रमा वर्षा जारी छ । गत मंगलवार र बुधवार बिहानसम्म केही रोकिएको झरी त्यसपछि बढेको बढ्यै छ ।